Aurkezpena
Euskalingua 18k bost artikulu ditu. Hasierako artikuluan Gamindek ahozko corpusa eta honen deskripzioa eskaintzen dau. Bigarrenean, A. Etxebarria eta beste batzuek egindako lanak, kortesia erlazioetako prosodia du gaitzat. Ondoren, Esparza eta beste batzuk egindako bilketa lanaren barri emoten dau. Aholab ingeniari taldeko Erro eta beste batzuk egindako lanak testu-ahots bihurgailuez dihardu. Azkenik, Aholab ingeniari taldeko Luengo eta beste batzuk egindako artikuluak diarizazioaz dihardu, ahots bihurgailuen hobetze prozesuari ekinez.
Iñaki Gamindek 79-93ko Euskaldunen Ahozko Corpusaren Ezaugarrien Deskripzioa izenburudun artikulua dakarzku, grabazio gordailu kontsulta baliabide itxia barik, ahozko hizkuntzaren ikerkuntzarako tresna baliagarri izan daitekeen corpusa, hain zuzen, 79-93 urteen artean jaiotako euskaldunen ebakerak eta prosodiaren alderdi desbardinak aztertzeko materiala duena, berba bildumak, testu irakurriak, bat-bateko testuak…
Aintzane Etxebarria, Iñaki Gaminde, Urtza Garay eta Asier Romerok Prosodiaren garrantzia kortesia erlazioetan izeneko artikuluan prosodia hartu dabe gaitzat. Prosodia gaitasun gramatikalari, eta gaitasun pragmatikoei lotuta dago eta egileek bataz eta besteaz dihardue. Komunikazioa arrakastaz gauzatzeko hizkuntzaren eta honen erabileraren nondik norakoak landu ditue, hala nola, azentua, tonua, intonazioa, fonetika, fonologia, sintaxia, etab. Hizkuntzaren irakaskuntzan ere baliagarriak izan daitezke kortesiazkoadierazleok.
Iñaki Esparza, Angel Larrea eta Juan Rekaldek Arratia inguruko kanta partida AK-37 taldearen eskutik artikulua eskaintzen dabe. 1999an informazio biltzeko hasitako grabaketak aberastuz joan direlarik, besteak beste, kanta bilduma egin dabe, baita kanta horiek grabatu ere. Artikulu honetan, izenburuak dinoen moduan, Arratia inguruan jasotako kanta historikoak, gerretakoak, alaiak, maitasunezkoak, erlijiosoak eta ume kantak dagoz. Aipagarria da orain arte inoiz grabatu bako gerra karlistetako kanta bi artikulu honetan aurkitzea, ondoko biak, hain zuzen, “Karlos Setimo eta Doña Margarita” izeneko kanta eta “Karlistetako general faltsuak” izenekoa.
Aholab ingeniari taldeak bi artikulu dakartza Euskalingua 18ra. Lehenengoa, Daniel Erro eta beste batzuk idatzia HMMetan oinarritutako euskararako testu-ahots bihurketa, HTS erabiliz izenekoa da. HMM ahots-sintesi sistemetan oinarritutako testu-ahots bihurgailuen garapenaz dihardu; ahotsetara, hitz egiteko eretara, emozioetara egokitu daitezkeen sitema malguok, orain euskararako garatu ditu Aholabek.
Bestea, Iker Luengo eta beste batzuk idatzia AhoLab taldearen sarrera Albayzin 2010 hizlarien diarizazio erronkarako izenburuduna da. Berton audio grabaketen diarizazioa edo hizlarien identifikazioa, txandaketa, segmentazioa, etab. optimizatzeko eta eraginkortasuna hobetzeko egindako lanaren barri emoten dau.
Artikuluen zerrenda
Euskalingua 18ren aurkezpena
Maribi Unamuno
79-93ko Euskaldunen Ahozko Corpusaren Ezaugarrien Deskripzioa
Iñaki Gaminde
Prosodiaren garrantzia kortesia erlazioetan
Aintzane Etxebarria Iñaki Gaminde, Urtza Garay eta Asier Romero
Arratia inguruko kanta partida AK-37 taldearen eskutik
Iñaki Esparza, Angel Larrea eta Juan Rekalde
HMMetan oinarritutako euskararako testu-ahots bihurketa, HTS erabiliz
Daniel Erro eta beste
AhoLab taldearen sarrera Albayzin 2010 hizlarien diarizazio erronkarako
Iker Luengo, Eva Navas, Ibon Saratxaga, Inmaculada Hernáez eta Daniel Erro