Hauek dira Mendebalde Kultura Alkarteak argitaraturiko azken liburuak:
Zubereraren laburpena
Philippe Etxegorri
Zuberera ikasi edo hobetu nahi duen orok, Iparraldekoek zein Hegoaldekoek, material xume eta osoa eskura izatea da proiektu honen helburu nagusietarikoa.
Laburpenak gramatika mardul baten arazo nagusia (argibide kopuru handia) saihesten du, baina orrialde gutxitan zubererari ikuspegi orokorra ematen dio.
Bizkaiko gazteen prosodiaz: Euskaraz eta Gaztelaniaz
Iñaki Gaminde
Liburu honen helburua Bizkaiko gazteen prosodia aztertzea da bai euskaraz eta bai gaztelaniaz.
Lana hamar ataletan banatuta aurkezten da.
Euskara-Swahili / Swahili-Euskara hiztegi txikia
Manu Ormazabal
Helburuak:
- Afrikako hiru naziotako (Tanzania, Kenya, Uganda) hizkuntza ofiziala den eta laurogei bat milioi hiztun dituen Swahili hizkuntza eta kultura ezagutzeko aurreneko urratsa eman nahi duten euskaldunei oinarrizko baliabideak (ingelesaren, frantsesaren edo espainieraren makulu barik) eskaintzea.
- Herrialde horietatik etorritakoei gure hizkuntzara eta kulturara urreratzen laguntzeko tresna baliagarria izatea.
- Herrialde horietara doazen euskaldunei hango biztanleekin oinarrizko harremanak euren hizkuntzan izaten laguntzeko materiala eskaintzea.
- Interneten hizkuntza horretan eskuragarri dagoen informazioa ulertzeko aurreneko ezagupenak lortzeko bidea ematea zuzenean, beste hizkuntza batzuen bitartekaritzarik gabe.
- Hizkuntzetarako zaletasuna dutenei materiala eskaintzea euren ezagupenak gehitzeko.
- Jatorriz lagun askoren ama-hizkuntza ez denaren hedapenaren berri ematea.
- Swahiliaren estandarizazioa zelan gorpuztu zen azaltzea.
Manual del Vascófilo
Pablo Zamarripa
Mendebalde Kultura Alkartearen ekimenez eta Bilboko Udaleko Euskara, Gazteria eta Kirola Sailaren laguntzaz P. Zamarriparen Manual del vascófilo liburua berrargitaratu da
Influencias del vascuence en la lengua castellana
Mikel Zarate
Mendebalde Kultura Alkartearen ekimenez eta Bilboko Udaleko Euskara, Gazteria eta Kirola Sailaren laguntzaz M. Zarateren Influencias del vascuence en la lengua castellana liburua berrargitaratu da
Marijaren illa 1850 (Edizio kritikoa)
Eneko Barrutia, Iñaki Esparza, Juan Rekalde eta Iñaki Sarriugarte
Jose Antonio Uriarte Adaroren jaiotzaren bigarren mendeurrenean Mendebalde Kultura Alkartearen ekimenez eta Arrigorriagako Udalaren laguntzaz Marijaren illa 1850 liburuaren edizio kritikoa argitaratu da.
Liburuan aztertu eta landu diren atalak honakoak:
- Jose Antonio Uriarte Adaro (1812-1869), biografia
- Jose Antonio Uriarte, olerkari
- Uriarteren euskera ezaugarri batzuk
- Marijaren illa edo maijatzeco illa. Edizio faksimilea
- Marijaren illa edo maijatzeco illa. Edizio kritikoa