Aurkezpena
Euskalingua 11 honek sei artikulu eskaintzen deuskuz; eurotarik hiru, Ibon Coterónena, Mitxel Kaltzakortarena eta Iñaki Gaminderena, hain zuzen, jarraipenekoak dira.
Eneko Barrutiak Mundakako arrantzaleei egineko grabazioen transkripzioa izeneko artikulua aurkezten deusku. Bermeoko grabazioen transkripzioarekin hasitako harilari jarraituz, arrantza langintzako lexiko berezituaren barri zehatza aurkitu dagikegu berton.
Coterónek Apuntes de filosofia del euskara tituludun hiru artikuluko segidaren bigarren atala eskaintzen deusku; lehenengoa Euskalingua 10ean dago irakurgai. Bigarren honetan intonazioaren inguruko gogoeta eginez, hizkuntzara aurreiritzi gramatikalak baztertuta hurreratzeko proposamena egiten dau. Agustin Garcia Calvok gaztelaniarako egindako analisiaren balio unibertsalean oinarrituta, euskarara hedatzen dau eta Fonologia eta sintaxiaren arteko harremanean semantika kontuan hartu beharrekotzat dau.
Mitxel Kaltzakortak, galdegaia dala eta, Altubek proposatutakoaren kontrako adibideak aurkezten ditu. Euskalingua 10ean Galdegaia hasikera perpausetan (I) Hamaika abere ipuin eta Bizkaiko herri-alegia liburuetan landutakoa, hau da, galdegaia aditz aurrean barik atzean erabilten dala hasiera perpausetan erakusteko analisia, oraingoan
Amattoren uzta delakoan aztertzen dau, lehenengoan mendebaldeko mintzamolde ereduaren azterketa egiten baeban, bigarrenean iparraldeko mintzamolde ereduaren adierazgarri bat aztertzeko.
Iñaki Gamindek Euskalingua 9n aurkeztu eban artikuluaren jarraipena da oraingoa, Olgetan-Benetan: Umezaroaren Lexikoa Bizkaian (II), bertan nagusiek umeei kantetakoak edo errezitadutekoak irakurri daitekez, herriz herri batutako barianteak eskaintzenditu. Nagusi batzuei ume denboran entzundakoak gogoratzeko balio leikie, beste batzuei inoiz entzun bakoak ikasteko, haurtzaindegietan eta eskoletan errepertorioa zabaltzeko; edozein kasutan, bilketaren balioaz gain, erabilgarritasunarena dauan materiala
eskuratzen deusku.
Nagore Etxebarriak testu zaharren analisia egin dau;Frantziskotarren Ordenaren artxibo-ondarera jo eta, autorearen esanetan, osorik dagozan eskuizkribu guztietarik zaharrena, 1708koa, aukeratu dau. Hasteko, azterketa linguistikoa, grafia, morfologia sintaxia, lexikoa, ondoren, jatorrizko edizioaren transkripzioa, transkripzio gaurkotua eta, azkenik, benetako bitxia eskaintzen deusku, eskuizkribuaren faksimilearen kopia. Orain dala 300 urteko euskeraren testigantza.
Aholab taldeak Epe laburreko ezaugarri prosodikoen eraginkortasuna hiztuna egiaztatzeko izeneko artikuluan, hiztuna identifiketako erabilten diren baliabideen hobekuntza proposatzen dau. Ohikoa den espektro-inguratzaileaz gain, hizlariaren prosodian, hau da, intonazioan, energian eta abiaduran oinarritutako datuak gehitzeak izan dagiken onura aztertzen dau, bata eta bestearen arteko erkaketa eginez. Sistema elektroniko bidezko eragiketetan, norbere burua hurrunetik gero eta zehatzago identifiketako direnez, era honetako ikerketak eragina izan dagikee.
Artikuluen zerrenda
Euskalingua 11ren aurkezpena
Maribi Unamuno
Mundakako arrantzaleei egineko grabazioen transkripzioa (I)
Eneko Barrutia
Apuntes de filosofía del euskara, III: contra la asimetría entre sujeto y objeto; §§ 4-5
Ibon Coterón
Galdegaia hasikera perpausetan (eta II)
Mitxel Kaltzakorta
Olgetan-Benetan: Umezaroaren Lexikoa Bizkaian (II)
Iñaki Gaminde
1708ko eskuizkribu argitaratubakoa bizkaieraz: edizinoa eta hizkerearen azterketea
Nagore Etxebarria
Epe laburreko ezaugarri prosodikoen eraginkortasuna hiztuna egiaztatzeko
Iker Luengo eta beste